Telefon: 8(366) 233-38-72, Faks: 8 (366) 233-12-53

headeruz

Kasb-hunar ta’limi kafedrasi
siddiqov
              
 
 
        Kafedra mudirif: p.f.n.,dots. Suyunov Ochil Jumabayevich
        Telefon: :(+998 91) 656-24-64

        Elektron manzil: This email address is being protected from spambots. You need JavaScript enabled to view it.

 

         

 

        

     KAFEDRA TARIXI

“Kasb ta’limi” kafedrasi institutning yetakchi kafedralaridan biri bo‘lib, bugungi kunda institutning Kasb ta’limi (5111017-Iqtisodiyot, 5111008-Buxgalteriya hisobi va audit) bakalavriat ta’lim yo‘nalishlari uchun tayanch kafedra hisoblanadi.

Kafedra tarixi institut tarixi bilan uzviy bog‘liq bo‘lib, turli yillar davomida “Siyosiy iqtisod”, “Iqtisodiyot nazariyasi”, “Ijtimoiy-gumanitar fanlar”, “Kasb-hunar ta’limi” va “Kasb ta’limi” kafedrasi nomlari bilan atalib, iqtisodiyot tarmoqlariga malakali iqtisodchilar, o‘rta maxsus, kasb-hunar ta’limi tizimi uchun malakali iqtisodchi-pedagog kadrlar yetishtirib berayotgan kafedradir.

“Kasb ta’limi” kafedrasi ilk bor 1931 yil «Siyosiy iqtisod» kafedrasi nomi bilan tashkil qilingan bo‘lib, birinchi kafedra mudiri sifatida dotsent X.Minubaev, keyinchalik Muso Toshmuhammedov (Oybek) ishlagan.

1936-1938 yillarda kafedra mudiri bo‘lib professor I.SHtern ishlagan, keyinchalik 1938-1940 yillarda kafedra mudiriligini V.Mishen bajargan.

1940-1941 yillarda kafedrani dotsent A.Kalujin, 1942-1945 yillarda dotsent M.To‘raev va professor Z.Mendelson, dotsent A.Sidorovlar boshqargan.

1945-1960 yillarda kafedraga dotsent A.Svetlichniy rahbarlik qilgan. 1960-1978 yillar davomida kafedraga dotsent N.Abdullaev, dotsent F.Amonullaev, dotsent N.Sirojev, dotsent SH.Abdullaev, dotsent H.Qurbonovalar rahbarlik qilishgan.

1978 yildan 1993 yilgacha kafedra mudirligini dotsent O.Qodirqulov bajargan. 1993-1998 yillarda kafedra mudirligini i.f.d., prof. O‘.Rashidov, 2001 yildan 2008 yilgacha i.f.n., dotsent R.Qarshiev bajardi. 2004 yil kafedra «Falsafa va O‘zbekiston tarixi» kafedrasi bilan birlashtirilib, «Ijtimoiy – gumanitar fanlar» kafedrasiga aylantirildi. Kafedra mudiri etib, f.f.d., prof. S.K.Karimov tayinlandi.

2004 yil 26 martda O‘zbekiston Respublikasi Vazirlar Mahkamasining «Samarqand iqtisodiyot va servis instituti»ni tashkil etish to‘g‘risidagi 144-sonli qarori qabul qilingach, institut ilmiy kengashining 2005 yil 28 oktyabrdagi 2 - son qarori, institut rektorining 2005 yil 7 dekabrdagi 147 «F» sonli buyrug‘i asosida «Kasb-hunar ta’limi» kafedrasi nomi bilan qayta tashkil qilindi. Kafedra mudiri etib, i.f.n., dotsent R.Qarshiev tayinlandi. 2008 yil aprelda kafedra mudirligiga p.f.n., dotsent E.Iskandarov saylandi, 2008 yilning sentyabridan 2013 yilning mayigacha kafedra mudirligiga i.f.d., prof. M.Muxammedov tayinlandi. 2013 yilning may oyidan hozirgi vaqtga qadar kafedraga p.f.n., dotsent O.Suyunov rahbarlik qilib kelmoqda.

O‘tgan yillar davomida kafedra a’zolaridan prof. M.To‘raev 1944-1951 yillarda, prof. M.Rasulov 1961-1968 yillarda, prof. SH.Sulaymonov 1968-1986 yillarda, prof. E.Aliqulov 1986-1988 yillarda, prof. M.Muxammedov 1994-1998 yillarda institut rektori sifatida faoliyat olib borganligini alohida ta’kidlash joiz.

Hozirgi davrda kafedrada 24 ta fan mujassamlashgan bo‘lib, shulardan 10 dan ortig‘i pedagogika, psixologiya va hozirgi zamon kasb - hunar ta’limini shakllantiruvchi fanlardir.

KAFEDRANING BAKALAVRIAT TA’LIM YO‘NALISHLARI:

5111008 – kasb ta’limi: buxgalteriya hisobi va audit;
5111017 – kasb ta’limi:  iqtisodiyot;
 
KAFEDRADA O‘QITILADIGAN FANLAR:
 
Bakalavriat ta’lim yo‘nalishi bo‘yicha:
  • Didaktik materiallar kompleksi va vositalari
  • Iqtisodiy ta’limotlar tarixi
  • Iqtisodiy tarbiya nazariyasi
  • Iqtisodiyot nazariyasi
  • Kasb ta’limi metodikasi.
  • Kasbiy pedagogika
  • Kasbiy psixologiya
  • Kasbiy ta’lim metodikasi
  • Makroiqtisodiy siyosat
  • Makroiqtisodiyot
  • Mikroiqtisodiyot
  • Notiqlik san’ati
  • Pedagogik etika
  • Pedagogik mahorat
  • Pedagogika. Psixologiya
  • Sotsial iqtisodiyot
  • Tarbiyaviy ishlar metodikasi
  • Umumiy pedagogika
  • Umumiy psixologiya
  • YAngi pedagogik texnologiyalar

Magistratura ta’lim yo‘nalishi bo‘yicha:

  • Psixologiya (faoliyat turlari bo‘yicha)
  • Iqtisodiy fanlarni o‘qitish uslubiyati
  • Sotsial iqtisodiyot
  • Pedagogik texnologiyalar

YUqoridagi keltirilgan fanlar bo‘yicha na’munaviy o‘quv dasturlarining aksariyat qismi tayanch oliy o‘quv yurtlaridan olib kelinadi, bir qismi esa kafedra professor – o‘qituvchilari tomonidan tayyorlanadi.

 

KAFEDRANING ILMIY SALOHIYATI

 Hozirgi vaqtda kafedrada 22 nafar professor-o‘qituvchi talabalarga dars bermoqda, jumladan:

  • M.Muxammedov – iqtisod fanlari doktori, professor
  • O.Suyunov – pedagogika fanlari nomzodi, dotsent
  • R.Qarshiev – iqtisod fanlari nomzodi dotsent
  • J.Oripov – iqtisod fanlari nomzodi dotsent
  • O.Hamroqulova – iqtisod fanlari nomzodi dotsent
  • L.Xoliqova– iqtisod fanlari nomzodi dotsent
  • N.Xusanov – tarix fanlari nomzodi dotsent
  • A.SHakarov – texnika fanlari nomzodi dotsent
  • N.Kamilova – iqtisod fanlari nomzodi dotsent
  • A.To‘xtamishov – katta o‘qituvchi
  • N.Temirova – katta o‘qituvchi
  • A.SHonazarov – katta o‘qituvchi
  • D.Norboeva – katta o‘qituvchi
  • YU.O‘runboeva – assistent-o‘qituvchi
  • I.Nasimov – assistent-o‘qituvchi
  • F.Salomov – assistent-o‘qituvchi
  • O‘.Zubaydullaev  – assistent-o‘qituvchi
  • L.Musaboeva – assistent-o‘qituvchi
  • D.Norqulova – assistent-o‘qituvchi
  • U.Xolboev – assistent-o‘qituvchi
  • M.Ibragimova – assistent-o‘qituvchi
  • B.Iskandarov – assistent-o‘qituvchi

image008

KAFEDRADA OLIB BORILAYOTGAN ILMIY – TADQIQOT ISHLARI:

Kafedraning ilmiy-tadqiqot mavzusi «Xizmat ko‘rsatish sohasini rivojlantirish, iqtisodiy mexanizmlarni takomillashtirish va psixologik omillar rolini oshirish muammolari» deb nomlanib, ushbu mavzu doirasida kafedra professor-o‘qituvchilari tomonidan birgina 2015-2016 o‘quv yilining o’zida 93 ta ilmiy maqola, 5 ta monografiya chop qilindi. SHuningdek, kafedra professor-o‘qituvchilari davlat loyihalarida ham ishtirok etib kelmoqda.

Loyiha nomi: F1-FA-0-73578 FA-F1-G029 «Qishloq joylarida mehnat resurslaridan unumli foydalanish va aholi bandligini oshirishning konseptual yo‘nalishlari»

Loyiha turi: fundamental

Loyiha rahbari: i.f.d.prof. Muxammedov M.M.

Loyiha bajaruvchilari:          Muxammedov M.M.

O‘rinboeva YU.P.

Xoliqov Y.M.

 image009

image010

image011

 

image012

 

KAFEDRADA OLIB BORILAYOTGAN ILMIY-USLUBIY ISHLAR:

image013

image014

 

KAFEDRANING AKADEMIK LITSEYLAR VA KASB-HUNAR KOLLEJLARI BILAN OLIB BORAYOTGAN XAMKORLIK ALOQALARI

Bugungi kunda o‘rta maxsus, kasb-hunar ta’limi muassasalarida o‘quvchilarga ta’lim – tarbiya berish berish jarayonini tashkil qilish bo‘yicha barcha shart-sharoitlar yaratilgan. Ushbu sharoitlardan samarali foydalanishni yanada takomillashtirish bo‘yicha O‘zbekiston Respublikasi Oliy va o‘rta maxsus ta’lim Vazirligining “O‘rta maxsus, kasb-hunar ta’limi muassasalariga amaliy yordam ko‘rsatish yuzasidan oliy ta’lim muassasalari bilan hamkorlik aloqalarini rivojlantirish to‘g‘risida”gi  14 mart 2011 yilda № 109 sonli buyrug‘i e’lon qilindi. 

image015

         Mazkur buyruq asosida akademik litseylar va kasb-hunar kollejlari faoliyatini takomillashtirish, ulardagi ta’lim tarbiya, o‘quv – uslubiy jarayonlar, adabiyotlar, axborot ta’minoti sifatini oshirish, pedagogik kadrlar bilan ta’minlanishi va ularning kasbiy mahoratini oshirish ishlarida OTM professor-o‘qituvchilarini mashg‘ulotlarga jalb etish orqali uzviy hamkorlik aloqalari yo‘lga qo‘yildi. Ushbu hamkorlik aloqalari doirasida O‘zbekiston Respublikasi Prezidenti va Hukumat qarorlari hamda vazirlik buyruqlarida OTMga turdosh bo‘lgan O‘MKHT muassasalarida o‘quv jarayoniga oid topshiriqlarning belgilangan muddatlarda tayyorlanishini, barcha topshiriq va vazifalar ijrosi talab darajasida, sifatli amalga oshirilishini nazorat qilish, KHK bitiruvchilarini OTMlarga o‘qishga kirishini ta’minlash bo‘yicha zaruriy choralarni ko‘rish, turdosh KHKlari pedagoglarini ilmiy salohiyatini ko‘tarish, OTM bitiruvchilarini KHKlarda ish bilan ta’minlash, KHKlari pedagoglarini OTM axborot-resurs markazlaridan foydalanish holati, turdosh kasb-hunar kollejlar pedagoglarining malakasini oshirish va qayta tayyorlash, ular tomonidan zamonaviy pedagogik va axborot texnologiyalarni o‘quv jarayoniga tadbiq etish hamda tajribali professor-o‘qituvchilar tomonidan kollej o‘quvchilariga mahorat darslari, ijodiy uchrashuvlar, o‘quv-uslubiy, metodik almashuv seminarlari va boshqa turli ko‘maklashish ishlarini o‘tkazish ko‘zda tutilgan bo‘lib, bu boradagi ishlar OTMlar tomonidan tizimli yo‘lga qo‘yildi. Kafedra professor-o’qituvchilari ham viloyatimizda joylashgan akademik litseylar va kasb-hunar kollejlarida muntazam ravishda xamkorlik shartnomasi asosida o’quv-uslubiy, ilmiy-tadqiqot, tashkiliy-uslubiy, ma’naviy-marifiy sohalarda uzviy hamkorlik qilib kelishmoqda.

image016

KAFEDRADA IQTIDORLI TALABALAR BILAN ISHLASH

       Davrimizning globallashuv jarayonlarida, oliy ta’lim muassasalari talaba-yoshlariga chuqur bilim berish, intellektual salohiyatini, ma’naviyatini yuksaltirish, qalblarida istiqlol g‘oyalariga sadoqat, vatanparvarlik va fidoyilik tuyg‘ularini shakllantirish dolzarb ahamiyatga ega. Shu maqsadda mamlakatimizda yoshlarning ta’lim olishi uchun barcha sharoitlar yaratilgan, o‘zligini, o‘z iste’dodlarini namoyon etishi, izlanishi uchun zarur imkoniyatlar taqdim etilmoqda. Ma’lumki, talaba yoshlarga taqdim etilgan imkoniyatlar ularning ijobiy natijalarga erishishlarini ta’minlab, katta yutuqlar tomon yo‘l ochadi. Barkamol, ijodiy tafakkurga ega, yetuk mutaxassis kadr bo‘lib yetishishlari uchun taqdim etilayotgan bunday imkoniyatlar, ayniqsa, oliy ta’lim muassasalari iqtidorli talabalari bilan olib borilayotgan ishlarda o‘z aksini topmoqda.

          O’zbekiston Respublikasining “Ta’lim to’g’risida” gi Qonuni va “Kadrlar tayyorlash milliy dasturi” hamda O’zbekiston Respublikasi Prezidentining 2006 yil 7 avgustdagi PQ-436 sonli “Fan va texnologiyalar rivojlanishini muvofiqlashtirish va boshqarishni takomillashtirish chora-tadbirlari to’g’risida” va  2006 yil 10 oktyabrdagi “Kamolot yoshlar ijtimoiy harakatini qo’llab quvvatlash va uning samaradorligini yanada oshirish to’g’risida”gi  qarorlarida belgilangan vazifalardan kelib chiqqan holda, shuningdek, O‘zbekiston Respublikasi Oliy va o‘rta maxsus ta’lim Vazirligining 1 avgust 2008 yildagi № 237 sonli «Oliy ta’lim muassasalari kafedralarida ilmiy – tadqiqot ishlari, ilmiy – pedagog kadrlar tayyorlash hamda talabalar ilmiy – ijodiy faoliyatini tashkil etish yuzasidan yuritiladigan hujjatlar namunalarini tasdiqlash to‘g‘risida»gi buyrug‘iga asosan kafedrada 28 ta iqtidorli talaba ishlamoqda. Bu iqtidorli talabalarga kafedraning yetakchi professor-o‘qituvchilari ilmiy rahbarlik qilishmoqda. Bundan tashqari kafedrada «YOsh iqtisodchi» va «Pedagogik mahorat» to‘garaklari ham mavjud bo‘lib, bu to‘garaklarga o’qituvchilar: YU.O‘rinboeva, F.Salomov va D.Norboevalar rahbarlik qilishmoqda.

       To‘garaklarga kafedramizning iqtidorli talabalaridan tashqari institutimizning boshqa iqtidorli talabalari ham qatnashdilar. Ular kafedraning mavzusi asosida ilmiy rahbarlari bilan birgalikda ilmiy ishlar olib borishmoqda. Ma’lumki, talabalarning zamon talabiga mos mutaxassis sifatida shakllanishi va kelgusidagi muvaffaqiyati, ularning har tomonlama kamol topishi ko‘p jihatdan ta’lim sifati va ma’naviy muhitga bog‘liq. Respublikamizda amalga oshiralayotgan islohotlar, davlatimiz siyosatini o‘rganish, mazmunini talabalarga tushuntirish ularning dunyoqarashini shakllantirishda katta ahamiyat kasb etadi. Shu maqsadda zamon talabiga javob beradigan bilimli mutaxassislar tayyorlash uchun barcha imkoniyatlar muhayyo qilinmoqda. Bu esa talabalarning ma’naviy-axloqiy va umumiy madaniy saviyasini oshirishlariga asos bo‘ladi.

 image019

image020

 

MALAKA OSHIRISH

     Hozirgi kunda oliy ta’lim muassasalarida tayyorlanayotgan kadrlarning ilmiy salohiyati va amaliy tajribasi ish beruvchining talablariga, ta’bir joiz bo‘lsa, raqobatbardoshligiga muvofiq bo‘lishi talab etilmoqda. Bu darajadagi yetuk kadrlarni yetishtirish uchun ularga saboq berayotgan professor-o‘qituvchilar nafaqat bilimli, zakovatli, shu bilan bir qatorda, notiq, tadbirkor, ijodkor bo‘lishi talab etiladi. Ular axborot texnologiyalaridan xabardor, multimediya vositalarini qo‘llab dars bera oladigan darajada bo‘lmog‘i, xorij tillarini mukammal bilmog‘i, zamonaviy pedagogik texnologiyalarni qo‘llay olmog‘i lozim. Ana shunday o‘qituvchilar ta’limini olishgan talabalar kelgusida yetuk kadr va mutaxassis bo‘lib yetishishiga umid qilsa bo‘ladi.

    O‘zbekiston Respublikasi Prezidentining «Oliy ta’lim muassasalarining rahbar va pedagog kadrlarini qayta tayyorlash va malakasini oshirish tizimini yanada takomillashtirish chora-tadbirlari to‘g‘risida» 2015 yil 12 iyundagi PF-4732-son farmoni ijrosi kafedra professor – o‘qituvchilari tomonidan izchil ta’minlanib kelinmoqda.

    Kafedra professor – o‘qituvchilari Toshkent davlat iqtisodiyot universiteti va Toshkent davlat pedagogika universiteti huzuridagi pedagog kadrlarning malakasini oshirish va ularni qayta tayyorlash tarmoq markazlarida belgilangan grafik asosida o‘z malakalarni oshirib kelmoqda.

 image021

image022

 

KAFEDRA A’ZOLARI TARKIBI:

 image023

 Suyunov Ochil Jumaboevich -

kafedra mudiri

pedagogika fanlari nomzodi, dotsent

1957 yil Samarqand viloyati Urgut tumanida tug‘ilgan.  1979 yilda Samarqand davlat universitetini tugatgan. 1981-2007 yilgacha Samarqand arxitektura-qurilish institutida ilmiy xodim, assitent-o‘qituvchi, katta o‘qituvchi lavozimlarida faoliyat ko‘rsatgan. 2007 yildan hozirgi vaqtga qadar Samarqand iqtisodiyot va servis institutida katta o‘qituvchi, dotsent, kafedra mudiri lavozimlarida faoliyat olib bormoqda. O.J.Suyunov o‘z faoliyati davomida 3 ta o‘quv qo‘llanma, 20 ta o‘quv-uslubiy qo‘llanma, 100 tadan ortiq ilmiy maqolalar chop qilgan.

image023

Muxammedov Murod Muxammedovich

iqtisod fanlari doktori, professor

1949 yil Samarqand shahrida tug‘ilgan. 1971 yil Samarqand kooperativ institutini tugallagan. 1972-1975 yillar Samarqand kooperativ instituti assistenti, 1979-1989 yillar Samarqand kooperativ instituti  katta ilmiy xodimi, katta o‘qituvchisi, dotsenti, kafedra mudiri, partiya qo‘mitasi kotibi lavozimlarida ishlagan. 1975-1978 yillar Lvov Savdo-Iqtisod instituti aspiranti, 1989-1992 yillar Moskva kooperativ instituti doktoranti bo‘lgan. 1992-1994 yillar Samarqand kooperativ instituti dotsenti, prorektori, 1994-1998 yillar Samarqand kooperativ instituti rektori lavozimlarida ishlagan.

 image023

Qarshiev Ravshan Qarshievich

iqtisod fanlari nomzodi, dotsent

1938 yil Samarqand viloyati Ishtixon tumanida tug‘ilgan.  1965 yilda Toshkent xalq xo‘jaligi institutini tugatgan. 1967-1971 yillarda Samarqand qishloq xo‘jaligi institutida ilmiy xodim, o‘qituvchi, katta o‘qituvchi lavozimlarida faoliyat ko‘rsatgan. 1971 yildan hozirgi vaqtgacha Samarqand iqtisodiyot va servis institutida katta o‘qituvchi, dotsent lavozimlarida faoliyat olib bormoqda. R.Q.Qarshiev o‘z faoliyati davomida 4 ta o‘quv qo‘llanma, 22 ta o‘quv-uslubiy qo‘llanma, 200 dan ortiq ilmiy maqolalar chop qilgan.

image026 

Oripov Jamol Oripovich

iqtisod fanlari nomzodi, dotsent

1938 yil Samarqand shahrida tug‘ilgan.  1963 yilda Samarqand davlat universitetini tugatgan. 1963 yildan hozirgi vaqtga qadar Samarqand iqtisodiyot va servis institutida o‘qituvchi, katta o‘qituvchi, dotsent lavozimlarida faoliyat olib bormoqda. J.O.Oripov o‘z faoliyati davomida 2 ta o‘quv qo‘llanma, 16 ta o‘quv-uslubiy qo‘llanma, 200 dan ortiq ilmiy maqolalar chop qilgan.

 image027

Xusanov Nurillo Xusanovich

tarix fanlari nomzodi, dotsent

1939 yil Samarqand viloyati Paxtachi tumanida tug‘ilgan.  1966 yilda Samarqand davlat universitetini tugatgan. 1968 yildan hozirgi vaqtga qadar Samarqand iqtisodiyot va servis institutida o‘qituvchi, katta o‘qituvchi, dotsent lavozimlarida faoliyat olib bormoqda. N.X.Xusanov o‘z faoliyati davomida 3 ta o‘quv qo‘llanma, 12 ta o‘quv-uslubiy qo‘llanma, 200 dan ortiq ilmiy maqolalar chop qilgan.

 image028

Xamrokulova Oydin Davronovna

iqtisod fanlari nomzodi, dotsent

1954 yil Samarqand shahrida tug‘ilgan.  1975 yilda Samarqand kooperativ institutini tugatgan. 1976 yildan 2000 yilgacha Samarqand arxitektura – qurilishi institutida o‘qituvchi, katta o‘qituvchi, dotsent lavozimlarida faoliyat olib borgan. 2000 yildan hozirgi vaqtgacha Samarqand iqtisodiyot va servis instituti “Kasb ta’limi” kafedrasida dotsent lavozimida faoliyat olib bormoqda. O.D.Xamrokulova o‘z faoliyati davomida 3 ta o‘quv qo‘llanma, 14 ta o‘quv-uslubiy qo‘llanma, 200 dan ortiq ilmiy maqolalar chop qilgan.

 image029

Xoliqova Lola Nazarovna

iqtisod fanlari nomzodi, dotsent

1961 yil Qoraqalpog‘iston Respublikasi To‘rtko‘l shahrida tug‘ilgan.  1984 yilda Samarqand arxitektura-qurilish institutini tugatgan. 1990-1996 yillarda Samarqand arxitektura-qurilish institutida o‘qituvchi, 1996-2006 yillarda Samarqand davlat universitetida aspirant, o‘qituvchi, katta o‘qituvchi, dotsent lavozimlarida faoliyat ko‘rsatgan. 2006 yildan Samarqand iqtisodiyot va servis institutida dotsent lavozimida faoliyat olib bormoqda. L.N.Xoliqova o‘z faoliyati davomida “Amir Temurning ijtimoiy-iqtisodiy qarashlari”, “O‘zbekistonda IX-XV asrlarda ijtimoiy-iqtisodiy fikrlarning rivojlanishi” nomli monografiyalar, “Iqtisodiyot nazariyasi” fanidan elektron darslik (hammualliflikda), 5 ta o‘quv-uslubiy qo‘llanma, 150 dan ortiq ilmiy maqolalar chop qilgan.

 image030

SHakarov Allayor Baratovich

texnika fanlari nomzodi, dotsent

1960 yil Jizzax viloyati Forish tumanida tug‘ilgan. 1980 yilda Samarqand davlat universitetini, 1987 yilda Samarqand kooperativ institutini tugatgan. 2004-2006 yillarda Samarqand davlat universitetida, 2006 yildan hozirgi vaqtga qadar Samarqand iqtisodiyot va servis institutida dotsent lavozimida faoliyat olib bormoqda. A.B.SHakarov o‘z faoliyati davomida bir qancha monografiya, o‘quv qo‘llanma, o‘quv-uslubiy qo‘llanma va ko‘plab ilmiy maqolalar muallifi.

 image031

Kamilova Nargiza Abdukaxorovna

iqtisod fanlari nomzodi, dotsent

1973 yil Samarqand shahrida tug‘ilgan.  1994 yilda Samarqand kooperativ institutini iqtisodchi-menejer mutaxassisligi bo‘yicha tugatgan. 2000 yildan boshlab Samarqand iqtisodiyot va servis institutida o‘qituvchi, keyinchalik katta o‘qituvchi lavozimida faoliyat ko‘rsatgan. 2008 yildan buyon iqtisod fanlari nomzodi, dotsent. N.A.Kamilova o‘z faoliyati davomida “Ichki savdoning aktual masalalari” nomli monografiya, “Iqtisodiyot nazariyasi” fanidan elektron darslik (hammualliflikda), 1ta o‘quv qo‘llanma, 10ta o‘quv-uslubiy qo‘llanmalar, 150 dan ortiq ilmiy maqolalar chop qilgan.

 image032

Temirova Nozbuvi Temirovna

katta o‘qituvchi

1957 yil Samarqand viloyati Kattaqo‘rg‘on tumanida tug‘ilgan. 1978 yil Toshkent xalq xo‘jaligi institutini tugatgan. 1993-2005 yillarda Samarqand qishloq xo‘jaligi instituti o‘qituvchisi, 2006 yildan boshlab hozirgi vaqtga qadar Samarqand iqtisodiyot va servis institutida o‘qituvchi, keyinchalik katta o‘qituvchi lavozimlarida faoliyat ko‘rsatmoqda. N.T.Temirova o‘z faoliyati davomida 4 ta o‘quv-uslubiy qo‘llanma, 80 dan ortiq ilmiy maqolalar chop qilgan.

 image033

To‘xtamishov Aziz Qahramonovich

katta o‘qituvchi

1976 yil Samarqand viloyati Payariq tumanida tug‘ilgan. 1999 yilda Samarqand kooperativ institutini tashqi iqtisodiy aloqalar mutaxassisligi bo‘yicha tugatgan. 2000 yildan boshlab Samarqand iqtisodiyot va servis institutida o‘qituvchi, keyinchalik katta o‘qituvchi lavozimlarida faoliyat ko‘rsatmoqda. A.Q.To‘xtamishov o‘z faoliyati davomida “Oliy ta’lim tizimida sifat ta’minoti” monografiya (hammualliflikda), “Iqtisodiyot nazariyasi” fanidan elektron darslik (hammualliflikda), 6 ta o‘quv-uslubiy qo‘llanma, 70 dan ortiq ilmiy maqolalar chop qilgan.

 image034

SHonazarov Asror Maxmaisaevich

katta o‘qituvchi

1983 yil Samarqand viloyati Urgut tumanida tug‘ilgan. 2005 yilda Samarqand davlat universitetining “Pedagogika va psixologiya” yo‘nalishi bo‘yicha bakalavriaturani, 2007 yilda “Psixologiya” mutaxassisligi bo‘yicha magistraturani tugatgan. 2007 yildan boshlab Samarqand iqtisodiyot va servis institutida o‘qituvchi, keyinchalik katta o‘qituvchi lavozimlarida faoliyat ko‘rsatmoqda. A.M.SHonazarov o‘z faoliyati davomida 3 ta o‘quv-uslubiy qo‘llanma, 80 dan ortiq ilmiy maqola va tezislar chop qilgan.

image035 

Norboeva Dilafruz Jumaqulovna

katta o‘qituvchi

1973 yil Toshkent shahrida tug‘ilgan. 1995 yilda Samarqand davlat universitetini tugatgan. 2006 yildan buyon Samarqand iqtisodiyot va servis institutida o‘qituvchi lavozimida faoliyat ko‘rsatmoqda. D.J.Norboeva o‘z faoliyati davomida 5 ta o‘quv-uslubiy qo‘llanma, 60 dan ortiq ilmiy maqola va tezislar chop qilgan.

image036 

O‘rinboeva YUlduz Pirnazarovna

o‘qituvchi

1977 yil Jizzax shahrida tug‘ilgan. 1999 yilda Samarqand qishloq xo‘jaligi institutini tugatgan. 2007-2010 yillarda O‘zbekiston Respublikasi Fanlar Akademiyasi Samarqand bo‘limi Mintaqaviy muammolar kompleks ilmiy – tadqiqot institutida aspirant,  kichik ilmiy xodimi lavozimlarida ishlagan. 2010 yildan buyon Samarqand iqtisodiyot va servis institutida o‘qituvchi lavozimida faoliyat ko‘rsatmoqda. YU.P.O‘rinboeva o‘z faoliyati davomida 1 ta monografiya, 4 ta hammualliflikda monografiya, 1 ta hammualliflikda o‘quv qo‘llanma, 3 ta o‘quv-uslubiy qo‘llanma, 80 dan ortiq ilmiy maqola va tezislar chop qilgan.

 image037

Salomov Farrux Fattoevich

o‘qituvchi

1981 yil Samarqand shahrida tug‘ilgan. 2007 yilda Samarqand iqtisodiyot va servis institutining “Kasb ta’limi: ijtimoiy-iqtisodiy soha” yo‘nalishi bakalavriaturasini, 2009 yil “Kasb ta’limi: ijtimoiy-iqtisodiy soha” mutaxassisligi bo‘yicha magistraturasini tugatgan. 2010 yildan boshlab Samarqand iqtisodiyot va servis institutida o‘qituvchi lavozimida faoliyat ko‘rsatmoqda. F.F.Salomov o‘z faoliyati davomida 1 ta hammualliflikda o‘quv qo‘llanma, 3 ta o‘quv-uslubiy qo‘llanma, 40 dan ortiq ilmiy maqola va tezislar chop qilgan.

 image038

Nasimov Ikrom Xusanovich

o‘qituvchi

1982 yil Samarqand shahrida tug‘ilgan. 2002 yilda Samarqand davlat universitetini “Iqtisodiyot” yo‘nalishi bo‘yicha bakalavriaturani, 2004 yilda “Tarmoqlar iqtisodiyoti” mutaxassisligi bo‘yicha magistraturani tugatgan. 2009 yildan boshlab Samarqand iqtisodiyot va servis institutida aspirant, o‘qituvchi, dekan o‘rinbosari lavozimlarida faoliyat ko‘rsatgan. 2014 yildan hozirgi vaqtgacha “Kasb ta’limi” kafedrasi o‘qituvchisi lavozimida ishlamoqda. I.X.Nasimov o‘z faoliyati davomida 1 ta monografiya (hammualliflikda) 5 ta o‘quv-uslubiy qo‘llanma, 80 dan ortiq ilmiy maqola va tezislar chop qilgan.

 image039

Zubaydullaev O‘ktam Rayimovich

o‘qituvchi

1985 yil Jizzax viloyati G‘allaorol tumanida tug‘ilgan. 2010 yilda Jizzax davlat pedagogika institutining “Pedagogika” yo‘nalishi bakalavriturasini, 2013 yil Samarqand davlat universitetini “Pedagogika” mutaxassisligi bo‘yicha magistraturasini tugatgan. 2013 yildan hozirgi vaqtga qadar Samarqand iqtisodiyot va servis instituti “Kasb ta’limi” kafedrasida o‘qituvchi lavozimida ishlamoqda. O‘.R.Zubaydullaev o‘z faoliyati davomida 4 ta o‘quv-uslubiy qo‘llanma, 40 dan ortiq ilmiy maqola va tezislar chop qilgan.

 image040

Xolboev Umid Xolboevich

o‘qituvchi

1987 yil Jizzax viloyati Baxmal tumanida tug‘ilgan. 2010 yilda Samarqand qishloq xo‘jaligi institutining “Iqtisodiyot” yo‘nalishi bakalavriaturasini, 2012 yil Samarqand davlat universitetining “Mehnat iqtisodiyoti” mutaxassisligi bo‘yicha magistraturasini tugatgan. 2014 yildan boshlab Samarqand iqtisodiyot va servis institutida o‘qituvchi lavozimida faoliyat ko‘rsatmoqda. U.X.Xolboev o‘z faoliyati davomida 10 dan ortiq ilmiy maqolalar chop qilgan.

 image041

Musabaev Larisa Alijonovna

o‘qituvchi

1964 yil Andijon shahrida tug‘ilgan. 1988 yilda Samarqand kooperativ institutini tugatgan. 2004-2011 yillarda Samarqand iqtisodiyot va servis instituti “Xalqaro turizm va turizm servisi” kafedrasi o‘qituvchi, 2011 yildan boshlab “Kasb ta’limi” kafedrasi o‘qituvchisi lavozimlarida faoliyat ko‘rsatmoqda. L.A.Musabaeva o‘z faoliyati davomida 3 ta o‘quv-uslubiy qo‘llanma, 40 dan ortiq ilmiy maqola va tezislar chop qilgan.

 image042

Norqulova Dilfuza Zoxitovna

o‘qituvchi

1981 yil Jizzax viloyati Pastdarg‘om tumanida tug‘ilgan. 2005 yilda Samarqand davlat universitetining “Mehnat iqtisodiyoti” mutaxassisligi bo‘yicha magistraturasini tugatgan. 2005-2007 yillarda Samarqand iqtisodiyot va servis instituti Ilmiy va ilmiy-pedagogik kadrlar tayyorlash bo‘limida uslubchi, mutaxassis, 2010 yildan hozirgi vaqtga qadar bo‘lim boshlig‘i hamda “Kasb ta’limi” kafedrasida o‘qituvchi lavozimida ishlab kelmoqda. D.Z.Norqulova o‘z faoliyati davomida 1 ta monografiya, 2 ta hammualliflikda monografiya, 4 ta o‘quv-uslubiy qo‘llanma, 60 dan ortiq ilmiy maqola va tezislar chop qilgan.

 image043

Iskandarov Bekzod Abdijalilovich

o‘qituvchi

1988 yil Samarqand viloyati Payariq tumanida tug‘ilgan. 2013 yilda Samarqand iqtisodiyot va servis institutining “Kasb ta’limi: iqtisodiyot” yo‘nalishi bakalavriaturasini, 2015 yil Samarqand davlat universitetining “Iqtisodiy nazariya” mutaxassisligi bo‘yicha magistraturasini tugatgan. 2015 yildan boshlab Samarqand iqtisodiyot va servis institutida o‘qituvchi lavozimida faoliyat ko‘rsatmoqda. B.A.Iskandarov o‘z faoliyati davomida 10 dan ortiq ilmiy maqola va tezislar chop qilgan.

 image044

Ibragimova Madina Ismoilovna

o‘qituvchi

1984 yil Samarqand shahrida tug‘ilgan. 2006 yil Samarqand kooperativ institutining “Iqtisodiyot” yo‘nalishi bakalavriaturasini, 2009 yil “Tarmoqlar iqtisodiyoti” mutaxassisligi bo‘yicha magistraturani tugatgan. 2010-2015 yillarda Samarqand iqtisodiyot va servis instituti Ilmiy va ilmiy-pedagogik kadrlar tayyorlash bo‘limida mutaxassis, 2015 yildan “Kasb ta’limi” kafedrasida o‘qituvchi lavozimida ishlab kelmoqda. M.I.Ibragimova o‘z faoliyati o‘z faoliyati davomida 2 ta hammualliflikda monografiya, 2 ta o‘quv-uslubiy qo‘llanma, 40 dan ortiq ilmiy maqola va tezislar chop qilgan.

 image045

Xalikov Yo‘lchi Muxammadyusupovich

kabinet mudiri

1970 yil Qashqadaryo viloyati G‘uzor tumanida tug‘ilgan. 1995 yil Qarshi davlat universitetini tugatgan. 1997-2001 yillar G‘uzor tuman xokimligida turli lavozimlarda ishlagan. 2002-2009 yillar “Javohir” MCHJ direktor o‘rinbosari,  2009 yil Samarqand iqtisodiyot va servis instituti qoshidagi “Integratsiya va innovatsiya” markazida bo‘lim boshlig‘i, 2010-2012 yillarda O‘zbekiston Respublikasi Fanlar Akademiyasi Samarqand bo‘limi Mintaqaviy muammolar kompleks ilmiy – tadqiqot institutida kichik ilmiy xodim lavozimida ishlagan. 2013 yildan buyon “Kasb ta’limi” kafedrasida kabinet mudiri lavozimida ishlab kelmoqda.

 image046

Jalilova Nilufar Naimovna

laborant

1990 yil Samarqand shahrida tug‘ilgan. 2008 yil Samarqand oziq-ovqat kasb-hunar kollejini tugatgan. 2009 yil Samarqand iqtisodiyot va servis instituti qoshidagi “Integratsiya va innovatsiya” markazida mutaxassis, 2012 yilda O‘zbekiston Respublikasi Fanlar Akademiyasi Samarqand bo‘limi Mintaqaviy muammolar kompleks ilmiy – tadqiqot instituti “Ijtimoiy-iqtisodiy fanlar” bo‘limida laborant lavozimlarida ishlagan. 2013 yildan buyon “Kasb ta’limi” kafedrasida laborant lavozimida ishlab kelmoqda.