Samarqand shahrida “Sharq taronalari” yettinchi xalqaro musiqa festivali yakunlandi. Qariyb bir hafta davomida ko‘hna va hamisha navqiron Samarqand musiqa bayrami shukuhi bilan yashadi.
Registon maydoni, “Mo‘jiza” amfiteatri, “Yoshlik” va “So‘g‘diyona” istirohat bog‘laridagi sahnalarda, Urgut, Samarqand, Tayloq, Oqdaryo, Payariq, Jomboy tumanlarida ellikka yaqin mamlakatdan tashrif buyurgan san’atkorlar o‘z iste’dodini namoyish etdi. Turli tillarda Vatan, tinchlik va do‘stlik, muhabbat va sadoqatni tarannum etuvchi qo‘shiqlar yangradi.
Prezidentimiz Islom Karimovning festivalning ochilish marosimidagi tabrigi anjuman qatnashchilarini yanada ruhlantirdi.
|
|
Read more...
|