“Dolzarb 90 kun” loyihasi doirasida “Zakovat” intellektual o‘yini bo‘lib o‘tdi

Samarqand iqtisodiyot va servis instituti servis fakulteti tyutorlari hamda koordinatori tashabbusi bilan talabalarning bo‘sh vaqtini mazmunli va samarali o‘tkazish maqsadida  talabalar o‘rtasida bilim va tafakkurni sinovdan o‘tkazishga qaratilgan “Zakovat” intellektual o‘yini tashkil etildi. Tadbirda jamoalar mantiqiy fikrlash, tezkor javob qaytarish hamda keng qamrovli bilimlarni namoyish etish bo‘yicha o‘zaro bellashdi.

Qizg‘in kechgan intellektual bahs davomida ishtirokchilar turli mavzulardagi savollarga javob berishdi, jamoaviy hamjihatlik va fikr almashish madaniyatini namoyon etishdi.