Ispaniya oliy ta’lim muassasalari bilan hamkorlik aloqalari kengaymoqda

Joriy yilning 13-17-aprel kunlari Ispaniya oliy ta’lim muassasalari delegatsiyasi rasmiy tashrif bilan O‘zbekistonda bo'lib turibdi. Mazkur delegatsiya 12 ta Ispaniya OTMlaridan 21 nafar rahbar xodimlarni oʻz ichiga olgan.

Bugun, 15-aprel kuni “Ipak yo‘li” turizm va madaniy meros xalqaro universitetida O‘zbekiston-Ispaniya oliy ta’lim muasassalari o‘rtasida davra suhbati tashkil etildi. 

Ushbu davra suhbatidan ko‘zlangan maqsad O‘zbekiston va Ispaniya davlatlaridagi oliy ta’lim muasassalarining o‘zaro hamkorligini yo‘lga qo‘yish va mustahkamlash, hamkorlikda yangi amaliy ishlarni hayotga tadbiq qilishdan iborat bo'ldi.

Davra suhbatida Samarqand iqtisodiyot va servis instituti vakillari ham ishtirok etishdi. Ispaniyaning Granada (Inmaculada Marrero - Vice Rector for Internationalization, Enrique Quero - Director of the Center for Slavic Cultures, Juan Sánchez Fernández - Director-Gerente del Centro de Lenguas Modernas) va Huelva (Maria Antonia Peña - Rector, María Teresa Aceytuno - Vice Rector for Internationalization and Global Engagement) universitetlari bilan B2B shaklidagi mazmunli suhbatlar tashkil etildi. 

Granada universiteti bilan institutimiz 2017-yildan beri hamkorlik qilib keladi. Hamkorlikda turli Erasmus+ loyihalari bajarilgan, professor-o'qituvchilar va talablar almashinuvi tashkil etilgan. Suhbat davomida mazkur loyihalarni qayta tiklash taklifi ilgari surildi. Hamkorlik shartnomasini yangilashga kelishib olindi.