Samarqand iqtisodiyot va servis institutida ilmiy seminar o‘tkazildi

Samarqand iqtisodiyot va servis institutida O‘zbekiston Respublikasi Oliy Majlisi Qonunchilik palatasi deputati, iqtisod fanlari doktori, professor Axmedov Durbek Qudratillayevich ishtirokida ilmiy seminar bo‘lib o‘tdi.

Seminarda O‘zbekiston va hududlarning 2050-yilgacha demografik rivojlanish prognozlari yuzasidan ma’ruza tinglanib, tug‘ilish, o‘lim va migratsiya jarayonlari istiqbollari, demografik prognozlarning asosiy natijalari hamda ularning amaliy ahamiyati haqida fikr-mulohazalar bildirildi.

Tadbirda institut doktorantlari, magistrantlar va iqtidorli talabalar faol qatnashdilar.