Samarqand iqtisodiyot va servis instituti bank-moliya xizmatlari fakulteti xodimlari tomonidan talabalar turar joyida “Talabalik – oltin davrim” mavzusida davra suhbati o‘tkazildi. Mazkur tadbir talabalarning bo‘sh vaqtlarini mazmunli o‘tkazish, ularni vatanparvarlik va ma’naviy barkamollik ruhida tarbiyalash maqsadida tashkil etildi.

Tadbirda institut xotin-qizlar masalalari bo‘yicha rektor maslahatchisi A.Karimova ishtirok etib, talabalar bilan samimiy suhbat qurdi. U o‘z nutqida talabalik yillari inson hayotidagi eng go‘zal, unutilmas va imkoniyatlarga boy davr ekanini alohida ta’kidlab, bu davrni bilim olish, ko‘nikmalarni shakllantirish va shaxs sifatida rivojlanish uchun to‘laqonli foydalanish zarurligini ta’kidladi. Shuningdek, u talabalarga o‘zining hayotiy tajribalari asosida foydali maslahatlar berdi.

Davra suhbati yakunida talabalar uchun sport musobaqalari ham tashkil etildi. Ushbu musobaqalar nafaqat sog‘lom turmush tarzini targ‘ib qilish, balki talabalar o‘rtasida jamoaviylik, do‘stlik va sog‘lom raqobat muhitini shakllantirishga xizmat qildi.