Birinchi bosqich talabalari uchun psixologik mashg‘ulot tashkil etildi

Samarqand iqtisodiyot va servis instituti psixologi D.To‘xtamisheva tomonidan talabalarning shaxsiy rivojlanishiga qaratilgan “Orzular va maqsadlar” nomli psixologik mashg‘ulot o‘tkazildi.

Mazkur mashg‘ulotda talabalarni ichki hissiyotlari va o‘y-hayollarini to‘g‘ri boshqarishga o‘rgatish, sog‘lom hayot tarziga intilish hamda yorqin kelajak va ijobiy emotsional orzu-umidlarga ishonch uyg‘otish masalalariga alohida e’tibor qaratildi. Shuningdek, mashg‘ulot talabalarni ijobiy kayfiyatga yo‘naltirish, ularni bardoshlilik va hech qachon taslim bo‘lmaslik ruhida tarbiyalashga xizmat qildi.