Bank-moliya xizmatlari fakulteti dekan o‘rinbosari Hindistonda o‘quv seminarida ishtirok etmoqda

Samarqand iqtisodiyot va servis instituti bank-moliya xizmatlari fakulteti dekan o‘rinbosari Sa’dulla Baratov Hindistonning Lucknow shahrida joylashgan Bankers Institute of Rural Development institutida tashkil etilgan “Development through Rural and Climate Finance” nomli xalqaro o‘quv kursida ishtirok etmoqda. Ushbu kursda dunyoning 13 ta davlatidan kelgan moliya sohasi mutaxassislari qishloq xo‘jaligi va iqlim moliyasi sohasidagi dolzarb masalalarni muhokama qilmoqda, o‘z tajribalari bilan o‘rtoqlashib, har bir mamlakatda olib borilayotgan islohotlar haqida tarjiba almashilmoqda.

Kurs doirasida vakilimiz O‘zbekistonning bank-moliya tizimidagi yangiliklar, amalga oshirilayotgan islohotlar, shuningdek, mamlakatimizning boy tarixi, madaniyati va iqtisodiy rivojlanish yo‘nalishlari haqida taqdimot o‘tkazdi. Ushbu ishtirok xalqaro hamkorlikni kengaytirish va tajriba almashinuvini ta’minlashda muhim ahamiyat kasb etadi.