Samarqand iqtisodiyot va servis instituti jamoasi ichki turizm yarmarkasida ishtirok etmoqda

Samarqand shahridagi Sultan Hovand Beka maqbarasida bo‘lib o‘tayotgan “Ichki turizm yarmarkasi”da Samarqand iqtisodiyot va servis instituti turizm kafedrasi jamoasi hamda turizm yoʻnalishida tahsil olayotgan faol talabalar guruhi munosib ishtirok etmoqda.

Tadbir mamlakatimiz ichki turizmini rivojlantirish, yangi hamkorlik aloqalarini yo‘lga qo‘yish va tajriba almashish imkoniyatlarini kengaytirishga xizmat qilmoqda.

Yarmarka davomida kafedra jamoasi va talabalar turizm sohasi vakillari bilan uchrashuvlarda ishtirok etib, madaniy-ko‘ngilochar dasturlarda ham faol qatnashmoqdalar.

Ushbu ishtirok institutimizning turizm sohasi bo‘yicha malakali mutaxassislar tayyorlashdagi yuksak sa’y-harakatlari, talabalarni amaliy jarayonlarga jalb etishga bo‘lgan e’tiborini yaqqol ifodalaydi.