Uslubchi (magistratura bo‘yicha) vazifalari:

- o‘quv reja va o‘quv dasturlarda ko‘zda tutilgan o‘quv mashg‘ulotlarining barcha turlari (ma’ruza, laboratoriya, amaliyot, seminar va boshqa o‘quv mashg‘ulotlari turlari) bo‘yicha o‘quv jarayonini tashkil etilishini nazorat qiladi va uslubiy yordam beradi;

- magistrantlarning ilmiy-tadqiqot ishlarini bajarishga yo‘llash va ularning ilmiy tadqiqot ishlarini bajarishini nazorat qiladi;

- magistrantlarning malaka amaliyotlari, loyihalari (ishlari), magistrlik dissertatsiyalari, shuningdek, ularning mustaqil ishlarini sifatli tashkil etilishini nazorat qiladi;

- magistrantlarning ilmiy rahbarlari shaxsiy ish rejalaridagi magistraturaga oid o‘quv, ilmiy, uslubiy va tarbiyaviy ishlari bajarilishini nazorat qiladi;

- iqtidorli magistrantlar bilan ishlash, ularni olimpiada va tanlovlarda, shu jumladan Prezident va nomli Davlat stipendiyasi tanlovlarida ishtirok etishini ta’minlashda qatnashadi;

- magistratura mutaxassisliklari bitiruvchilari bilan tizimli, doimiy aloqalarni tashkil etadi, ular faoliyatining monitoringini olib boradi;

- har bir fanni o‘quv va uslubiy adabiyotlar (darslik, o‘quv qo‘llanma, uslubiy adabiyotlar) bilan ta’minlanganligi monitoringini olib boradi;

- o‘quv jarayoniga zarur bo‘lgan adabiyotlarni chop ettirish rejalarini tuzadi va bajarilishini nazorat qilib boradi;

- ilmiy-uslubiy kengashlarda ko‘riladigan masalalar yuzasidan tahliliy ma’lumotlarni tayyorlaydi;

- jismoniy va yuridik shaxslar murojaatlari, ariza va shikoyatlarini ko‘rib chiqishda ishtirok etadi va tegishliligi bo‘yicha javoblar tayyorlaydi.