Bugun, 8-oktabr kuni Samarqand iqtisodiyot va servis institutida viloyat Favqulodda vaziyatlar boshqarmasi bilan hamkorlikda kuz-qish mavsumiga tayyorgarlik jarayonlariga bag'ishlangan profilaktik tadbir bo'lib o'tdi.

Mazkur tadbirda ishtirok etgan talabalarga mas'ullar tomonidan dastlab yong'in xavfsizligi qoidalariga rioya etish hamda is gazidan saqlanish borasida amaliy ko'nikmalar berib o'tildi.

Tadbirning navbatdagi qismi auditoriyalarda, nazariy bilim va ko'nikmalar berish orqali davom ettirildi. 

Shuningdek tadbir davomida mavzuga oid taqdimotlar bilan bir qatorda videolavhalar ham namoyish etildi. Talabalar o'zlarini qiziqtirgan savollarga javob olishdi.