Samarqand iqtisodiyot va servis instituti rektori Muhiddin Po‘latov Riga texnika universitetining Rezekne akademiyasi delegatsiyasini qabul qildi

Riga Texnika Universiteti Rezekne Akademiyasi rektori Iveta Mietule boshchiligidagi delegatsiya bilan Samarqand iqtisodiyot va servis Instituti rektori Muhiddin Po‘latov boshchiligidagi institut rahbariyati vakillari o‘rtasida uchrashuv tashkil etildi.

Uchrashuv davomida ikki oliy ta’lim muassasasi o‘rtasidagi ko‘p yillik hamkorlik aloqalari, so‘nggi yillardagi o‘zgarishlar hamda kelgusidagi rejalar muhokama qilindi.

Xususan, Erasmus+ dasturining "Key Action", "Capacity Building" kabi yo‘nalishlari doirasida hamkorlik qilish, malaka oshirish kurslarini tashkil etish, startaplarni akseleratsiya qilish va ilmiy hamkorlik (olimlar kollaboratsiyasi) kabi yo‘nalishlarga alohida e’tibor qaratildi.

Shuningdek, professor-o‘qituvchilar va xodimlar o‘rtasida ilmiy hamda malaka oshirish yo‘nalishlarida muntazam almashinuvni yo‘lga qo‘yish bo‘yicha kelishuvga erishildi.