Samarqand iqtisodiyot va servis institutida kibersport bo‘yicha musobaqa o‘tkazildi

Texnologiyalar asrida sportning yangi yo‘nalishi bo‘lgan kibersport tobora ommalashib bormoqda. Shu munosabat bilan Samarqand iqtisodiyot va servis instituti tomonidan yoshlar orasida innovatsion fikrlash, raqamli savodxonlik va jamoaviy ishlash ko‘nikmalarini rivojlantirish maqsadida “KIBERSPORT – Counter-Strike” musobaqasi tashkil etildi.

Mazkur musobaqada talabalar o‘z mahorat va strategik tafakkurlarini sinovdan o‘tkazishdi. Ular jamoaviylik, tezkor qaror qabul qilish, raqamli muhitda o‘zini namoyon eta olish kabi ko‘nikmalarni amalda qo‘llash imkoniga ega bo‘lishdi.