Samarqand iqtisodiyot va servis instituti talabalar turar joyida ertalabki badantarbiya mashg‘ulotlari o‘tkazildi

Samarqand iqtisodiyot va servis instituti talabalar turar joyida sog‘lom turmush tarzini targ‘ib qilish, talabalar salomatligini mustahkamlash va ularni jismoniy faollikka jalb etish maqsadida jismoniy madaniyat kafedrasi professor-o‘qituvchilari tomonidan ertalabki badantarbiya mashg‘ulotlari tashkil etildi.

Mazkur mashg‘ulotlarda talabalar ishtirokida turli jismoniy mashqlar bajarildi, salomatlikni mustahkamlashga xizmat qiladigan harakatlar amalga oshirildi. Ertalabki badantarbiya mashg‘ulotlari nafaqat sog‘lomlashtirish, balki talabalar o‘rtasida sport va jismoniy tarbiyani keng targ‘ib qilishda muhim ahamiyat kasb etadi.

Ushbu loyihalar muntazam davom ettirilib, talabalar orasida sog‘lom hayot tarzini shakllantirishga xizmat qilishi ko‘zda tutilgan.