#SamISI #Xalqaro_hamkorlik #Germaniya #NordhausenUniversity

Bugun, 2023-yil 28-aprel kuni Samarqand iqtisodiyot va servis institutiga Nordxauzen amaliy fanlar universiteti (HSN) prezidenti Prof. Doktor Yorg Vagner tashrif buyurdi. 

Tashrifdan maqsad ikki oliy ta'lim muassasalari o'rtasida hamkorlik aloqalarini o'rnatish, o'zaro tanishuv va kelgusida amalga oshirilishi mumkin bo'lgan loyihalar haqida fikr yuritish bo'ldi.

Uchrashuv yakunida ikki oliy ta'lim muassasasi o'rtasida  taʼlim va ilmiy faoliyat sohasida, shuningdek, ilgʻor tajribadan foydalanish va oʻquv jarayoniga ilmiy ishlanmalarni joriy etish, akademik, ilmiy va madaniy aloqalar, ilmiy salohiyatni rivojlantirish va teng huquqlilik, o‘zaro manfaatdorlik, o‘zaro tushunish, hurmat va ishonch tamoyillari asosida mutaxassislarning yuqori sifatli kasbiy tayyorgarligini ta’minlashga qaratilgan Xalqaro hamkorlik kelishuvi imzolandi.

Hamkorlikning asosiy yo‘nalishlari etib iqtisodiyot va boshqaruv sohasida professor-o'qituvchilar va talabalar almashinuvi, ilg'or texnologiyalar transferi, qo'shma ta'lim dasturlarini ishlab chiqish kabi vazifalar belgilandi.

Ma'lumot uchun.

Germaniyaning yashil markazida, Harz tog'lari chekkasida joylashgan Nordxauzen Amaliy fanlar universiteti 1998-yilda tashkil etilgan. Hozirgi kunda barqaror va ilg'or tadqiqotlar, ijtimoiy ahamiyatga ega, shuningdek, klassik ilmiy yo'nalishlarni o'z ichiga olgan 29 ta o'ziga xos o'quv dasturlari orqali mutaxassislar tayyorlanib kelinadi.

SamISI Matbuot xizmati

Telegram |Facebook | Instagram | Sies.uz