Samarqand iqtisodiyot va servis instituti jamoasi IICAS markaziga tashrif buyurishdi

“Orol dengiziga poyezd” yoshlar ekologik aksiyasi doirasida Samarqand iqtisodiyot va servis instituti talaba va ustozlari Qoraqalpog‘iston Respublikasida joylashgan Orolbo‘yi xalqaro innovatsiya markazi (IICAS) faoliyati bilan tanishishdi.

Tashrif davomida ishtirokchilar Orolbo‘yi hududida amalga oshirilayotgan ekologik tadqiqotlar, innovatsion yechimlar, cho‘llanishga qarshi kurashish loyihalari, ilmiy hamkorlik va mintaqaviy barqaror rivojlanishga oid tashabbuslar haqida batafsil ma'lumotlarga ega bo‘lishdi.