Samarqand iqtisodiyot va servis institutida “Biz bir oilamiz” shiori ostida konsert dasturi bo'lib o'tdi

An'anaviy tarzda o'tkazilib kelinayotgan “Biz bir oilamiz” shiori ostidagi mazkur dastur bu gal iqtisodiyot fakulteti tomonidan tashkil etildi.

Konsert dasturi davomida fakultetning iqtidorli talabalari o'zlarining kuy-qo'shiqlari, harbiy vatanparvarlik ruhidagi chiqishlari, jang san'atidagi mahoratlarini namoyish etishdi.

Tadbir so'ngida 2023-yilda institut ijtimoiy hayotida faol bo‘lib, o'zini har tomonlama ijobiy hislatlarini ko'rsatib kelayotgan tyutor hamda yoshlar ittifoqi koordinatorlari taqdirlandi.