Xalqaro konferensiya doirasida institut oldidagi muhim vazifalar muhokama qilindi

Bugun Samarqand iqtisodiyot va servis institutida fakultet dekan o'rinbosarlari, guruh tyutorlar va yoshlar ittifoqi koordinatorlari uchun muhim yig‘ilish bo‘lib o‘tdi. Unda “Markaziy Osiyo – Yevropa Ittifoqi” birinchi rasmiy sammiti hamda “Markaziy Osiyo global iqlim tahdidlari qarshisida: umumiy farovonlik yo‘lida birdamlik” mavzusidagi xalqaro konferensiya doirasida institut oldidagi vazifalar muhokama qilindi.

Yig‘ilish davomida quyidagi masalalar ko‘rib chiqildi:

- 2025-yil 1-5-aprel kunlari yozgi ta’til hisobidan qisqa muddatli o‘quv ta’tilida talabalarning bo‘sh vaqtlarini mazmunli tashkil etish, onlayn viktorina va tanlovlar o‘tkazish;

- Ta'tildan unumli foydalanib “Top10 kitob” loyihasini tashkil etish;

- Ijtimoiy tarmoqlarda “Talabalar radiosi” loyihasini o‘tkazish;

- Talabalar bilan ishlash samaradorligini oshirish;

- Fakultetlar kesimida dolzarb vazifalarni belgilash;

- Xalqaro konferensiyada institut ishtirokini kengaytirish.