Bugun, 27-fevral kuni Samarqand iqtisodiyot va servis instituti rektori Poʻlatov Muhiddin Egamberdiyevich hamda soha mas'ullari ishtirokida yigʻilish oʻtkazildi. Mazkur majlisda ma’naviy-ma’rifiy ishlarning samaradorligini oshirish, talaba-yoshlar bilan ishlashning zamonaviy uslublarini joriy qilish, ijara xonadonlarini oʻrganish ishlarini jadallashtirish, talabalarni sportga keng jalb qilish borasidagi yutuq va kamchiliklar muhoka etildi.

Yigʻilishda talaba-yoshlarning sportga bo‘lgan qiziqishini yanada kuchaytirish maqsadida turli musobaqalar va tadbirlar tashkil etish, klublar faoliyatini isloh qilish ta'kidlandi. Majlis davomida ijara xonadonlari masalasi ham ko‘tarilib, bu boradagi holat bo‘yicha ishtirokchilarning ma'lumotlari tinglandi.

Yigʻilish natijalariga ko‘ra, kelgusida talabalarning ijtimoiy faolligini oshirishga qaratilgan yangi dasturlarni amalga oshirishga kelishib olindi.