Samarqand iqtisodiyot va servis instituti hamda “Milliy tiklanish” demokratik partiyasi Samarqand viloyat Kengashi hamkorligida “Siyosatchi ayollar” klubining joriy yil 1-yarim yillik faoliyatiga bag‘ishlangan hisobot yig‘ilishi bo‘lib o‘tdi. Tadbir klubning o‘tgan olti oylik faoliyati tahlili, erishilgan natijalar va istiqboldagi rejalarni muhokama qilish maqsadida tashkil etildi.

Yig‘ilishda partiya faollari, klub a’zolari, institut vakillari hamda faol talaba-qizlar ishtirok etishdi. Unda ayollarning siyosiy jarayonlardagi ishtirokini kuchaytirish, ularning tashabbuslarini qo‘llab-quvvatlash masalalari yuzasidan dolzarb fikrlar bildirildi.