“Kitobxon talaba” loyihasi doirasida badiiy asar muhokamasi o‘tkazildi

Talabalarda sog‘lom dunyoqarashni shakllantirish, mutolaa va kitobxonlik madaniyatini yuksaltirish maqsadida Samarqand iqtisodiyot va servis instituti buxgalteriya hisobi va menejment fakulteti tyutorlari tashabbusi bilan “Kitobxon talaba” loyihasi doirasida navbatdagi ma’naviy-ma’rifiy tadbir tashkil etildi.

Davra suhbatida talabalar taniqli amerikalik yozuvchi Malkolm Gladwellning “Zukkolar va landavurlar” asarini o‘zaro muhokama qilib, undagi asosiy g‘oyalar — muvaffaqiyat, mehnatsevarlik, ijtimoiy muhit va imkoniyatlarning inson hayotidagi o‘rni haqida fikr almashdilar. Shuningdek, o‘zbek adabiyotining atoqli namoyandasi Said Ahmadning “Ufq” romanini mutolaa qilish tavsiya etildi.