Samarqand iqtisodiyot va servis instituti ijtimoiy fanlar kafedrasi dotsenti v.b. N.Haqqulov tashabbusi bilan iqtisodiyot fakulteti ikkinchi bosqich talabalari uchun Turkiston jadidchilik harakatining asoschisi, ma’rifatparvar adib Mahmudxo‘ja Behbudiy tavalludining 150 yilligiga bag‘ishlab falsafa fanidan amaliy mashg‘ulot tashkil etildi.

Mashg‘ulot davomida talabalar Behbudiy hayoti va ijodi, uning jadidchilik harakatidagi o‘rni hamda milliy tafakkur taraqqiyotiga qo‘shgan hissasi bilan tanishdilar. Muzey xodimlari esa Behbudiyning pedagogik va ijtimoiy faoliyatiga oid qimmatli ma’lumotlarni taqdim etdilar.