O‘zbekiston va Markaziy Osiyo turizm sanoati uchun muhim voqelik bo‘lgan “Ipak yo‘lida turizm” Toshkent xalqaro turizm yarmarkasi (TXTY-2024) Milliy PR-markazi va "Team & Co Group" kompaniyasi tomonidan tashkil etildi. Tadbir butun dunyodan sayyohlik biznesi mutaxassislarini bir joyga to‘pladi va turizm sohasidagi dolzarb masalalarni muhokama qilish imkonini berdi.

Samarqand iqtisodiyot va servis instituti turizm kafedrasi katta oʻqituvchi O.Xaydarov ham tadbirda faol ishtirok etdi. U turizm mutaxassislari bilan ishbilarmonlik muzokaralarida qatnashib, xalqaro tajriba va innovatsiyalar bilan tanishdi, shuningdek, institutning turizm ta’limi va ilmiy faoliyatini keng jamoatchilikka taqdim etdi.