Samarqand iqtisodiyot va servis instituti talabalar turar joyida servis fakulteti tashabbusi bilan talaba-yoshlarning bo‘sh vaqtini mazmunli tashkil etish, ularning ijodiy qobiliyatlarini qo‘llab-quvvatlash va sog‘lom muhitni mustahkamlash maqsadida navbatdagi musiqali madaniy tadbir o‘tkazildi.

Tadbirda servis fakulteti dekani O.Pardayev ham ishtirok etib, talabalarga o‘z ijodini namoyon etish, madaniy tadbirlarda faol bo‘lish va do‘stona muhitni mustahkamlash borasida tavsiyalar bildirdi.

Tadbir davomida talaba-yoshlar tomonidan jonli ijroda kuy va qo‘shiqlar, turli musiqiy chiqishlar hamda ijodiy kompozitsiyalar namoyish etildi. Ishtirokchilar o‘z iste’dodlarini namoyon etish bilan birga, bir-birlari bilan samimiy muloqot o‘rnatib, kechani ko‘tarinki ruhda o‘tkazdilar.