Servis fakultetida “Zakovat” intellektual o‘yini bo‘lib o‘tdi

Samarqand iqtisodiyot va servis instituti servis fakulteti talabalari o‘rtasida bilim va tafakkur bellashuviga asoslangan “Zakovat” intellektual o‘yini tashkil etildi. Mazkur tadbir yoshlarning erkin va mustaqil fikrlashini, mantiqiy mulohaza yuritish qobiliyatini hamda jamoada ishlash ko‘nikmalarini rivojlantirishga xizmat qildi.

O‘yin davomida talabalar o‘z bilimlari, tezkor fikrlashi va ijodiy yondashuvlarini namoyon etib, qiziqarli savollarga javob berishdi. Tadbir ishtirokchilari intellektual musobaqa orqali nafaqat bilimlarini sinovdan o‘tkazishdi, balki o‘zaro do‘stona muloqot va hamkorlikni ham kuchaytirishdi.