Samarqand iqtisodiyot va servis institutida bitiruvchi bosqich talabalari uchun “Biznes g‘oyadan tayyor loyihagacha” mavzusida seminar-trening tashkil etildi.

Tadbirda “O‘zmilliybank” AJ Samarqand viloyat bosh boshqarmasi xizmatlar sohasini rivojlantirish bo‘limi boshlig‘i Sh.G‘aniyev hamda institut talabalar amaliyoti bo'limi boshlig'i D.Butayev ishtirok etib, bitiruvchi yoshlar uchun o‘z biznes g‘oyalarini amalga oshirish bo‘yicha foydali ma’lumotlar va amaliy tavsiyalar berdilar.

Seminar davomida talabalar o‘zlarini qiziqtirgan savollarga javob oldilar hamda tadbirkorlik yo‘nalishida yangi g‘oyalarni shakllantirish bo‘yicha tajriba orttirdilar.