Talabalar turar joyida kechki taʼlim fakulteti tyutorlari tomonidan “Salomlashish odobi” mavzusiga bagʻishlangan davra suhbati oʻtkazildi. Tadbir davomida salomlashishning insonlar oʻrtasidagi hurmat, samimiyat va muloqot madaniyatidagi oʻrni haqida fikr almashildi. Tyutorlar milliy qadriyatlarimizda salomlashishning ahamiyati, yoshlar oʻrtasida uni toʻgʻri va madaniyatli tarzda amalga oshirish zarurligi haqida batafsil tushunchalar berdilar.

Davra suhbatida talabalar ham faol ishtirok etib, oʻz fikr-mulohazalari va savollari bilan tadbirga jonlilik baxsh etdilar. Bunday maʼnaviy-maʼrifiy uchrashuvlar talabalar ongida axloqiy meʼyorlarning shakllanishida muhim oʻrin tutadi.