Samarqand iqtisodiyot va servis institutida Innovatsion texnologiyalar xalqaro universiteti rahbariyati bilan uchrashuv bo‘lib o‘tdi

Joriy yilning 11-aprel kuni Samarqand iqtisodiyot va servis institutiga Qirg‘iziston Respublikasining Bishkek shahrida joylashgan Innovatsion texnologiyalar xalqaro universiteti prorektori boshchiligidagi delegatsiya tashrif buyurdi.

Tashkil etilgan uchrashuvda o‘zaro hamkorlik qilish yo‘nalishlari muhokama qilindi. Ayniqsa, iqtisodiyot yo‘nalishi bo‘yicha PhD tayanch doktorantlarini tayyorlash sohasida hamkorlik qilish taklifi ikkala oliygoh tomonidan ma'qullandi. Jumladan, izlanuvchilarning xorijiy ilmiy-tadqiqot stajirovkalarini tashkil etish, doktorlik dissertatsiyasi mavzusi bo‘yicha ilmiy tadqiqotlar o‘tkazish uchun olimlar va PhD doktorantlar almashinuvi, PhD doktorantlarning dissertatsiya ishlariga o‘zaro ilmiy rahbarlik qilish, opponentlik qilish va taqriz berish kabi yo‘nalishlar muhokama qilindi.

Uchrashuv so‘ngida ta’lim va ilmiy-tadqiqot faoliyati sohasida hamkorlik to‘g‘risida memorandum imzolandi.