Bo’limning vazifalari:

O’zbekiston Respublikasi Prezidentining 2021 yil 30 sentyabrdagi PF-6318-sonli "Xizmatlar sohasini qo’llab-quvvatlashga oid qo’shimcha chora-tadbirlar to’g’risida" hamda 9 sentyabrdagi PF-6309-sonli "Respublika oliy ta’lim muassasalarida tahsil olayotgan, ilmiy-tadqiqot faoliyati bilan shug’ullanayotgan iqtidorli yoshlarni yanada qo’llab-quvvatlash to’g’risida" Farmonlari asosida institutda xizmat ko’rsatish sohasi tarmoqlari uchun kadrlar tayyorlanadi. Ushbu sohada qabul qilingan huquqiy-me’yoriy hujjatlarda ham kadrlar tayyorlash sifatini oshirishga, xizmat ko’rsatish va turizmni rivojlantirishga qaratilgan qator vazifalar belgilangan. Samarqand iqtisodiyot va servis instituti Ilmiy tadqiqotlar, innovasiyalar va ilmiy-pedagogik kadrlar tayyorlash bo’limi faoliyatida ushbu Farmonlar hamda O’zbekiston Respublikasining Konstitusiyasi, O’zbekiston Respublikasining qonunlari, O’zbekiston Respublikasi Oliy Majlisi palatalarining qarorlari, O’zbekiston Respublikasi Prezidentining farmonlari, qarorlari va farmoyishlari, O’zbekiston Respublikasi Vazirlar Mahkamasining qarorlari va farmoyishlari, O’zbekiston Respublikasi Oliy va o’rta maxsus ta’lim vazirligining Hay’at qarorlari va buyruqlariga, O’zbekiston Respublikasi Vazirlar Mahkamasi huzuridagi Oliy attestasiya komissiyasi hamda SamISI Ustavi va Kengashi qarorlari, institut rektorining buyruqlari ijrosini ta’minlash bilan bir qatorda institutda fundamental va amaliy tadqiqotlarni rivojlantirish, davlat ilmiy-texnika dasturlarini hamda fan va texnika sohasining ustuvor yo’nalishlarini amalga oshirish, oliy ta’lim, fan va ishlab chiqarish o’rtasidagi innovasion hamkorlikni muvofiqlashtirish, ustuvor, istiqbolli va ilg’or ilmiy yo’nalishlar bo’yicha tadqiqotlarni tashkil qilish faoliyatini amalga oshiradi.

• Institut fakultet va kafedralari va bo’limlarida rejalashtirilgan ilmiy tadqiqot ishlarining yillik va istiqbol rejalarini tuzish, ularni bajarilishini tashkillashtirish, tegishli amaliy-uslubiy yordamlar ko’rsatish, o’rnatilgan tartiblar asosida hisobotlar tayyorlanishi nazorat qilish.

• Doktorantura (DSc) va tayanch doktorantura (PhD)ga qabul qilish, fakultet va kafedralarning ilmiy darajali kadrlar bilan ta’minlash strategiyasini ishlab chiqish va amalga oshirish.

• Institut olimlarini chet el va davlat grantlari, xo’jalik shartnomalari asosidagi tadqiqotlarga jalb etish, kafedralarda yaratilayotgan ilmiy ishlanmalarni xalq xo’jaligiga tadbiq etilishi, innovasion hamkorlik ishlari va yarmarkalarga faol ishtirok etishini ta’minlash.

• Institut bazasida professor-o’qituvchilar va iqtidorli talabalar ishtirokidagi xalqaro, respublika va mahalliy miqyosdagi ilmiy konferensiya va seminarlar o’tkazish rejalarini ishlab chiqish va ularning yuqori saviyada o’tkazilishini ta’minlash.

• Fakultet va kafedralarda talabalar ilmiy to’garaklari, yosh olimlar kengashining faoliyatini muvofiqlashtirib borish, ularning samarali faoliyat yuritishini tashkil qilish. Yosh olimlar va iqtidorli talabalarni mablag’li ilmiy ishlarga jalb qilinishini muvofiqlashtirish.

• Yosh olimlar, iqtidorli talabalar va magistrantlarning fan olimpiadalari, stipendiya tanlovlari va boshqa turli ilmiy tanlovlarda faol ishtirokini ta’minlash hamda ularni bu jarayonga maqsadli tayyorlashni tashkillashtirish. Iqtidorli yoshlarni fan olimpiadalari, Prezident nomidagi va Davlat stipendiyalariga tayyorlash va ularning faol ishtirokini ta’minlash.

• Ilmiy tadqiqot ishlari natijalariga ko’ra monografiya, maqola va konferensiya materiallarini nashr qilish rejasini ishlab chiqish va bajarilishini ta’minlash.

• Kafedralarda “Oliy ta’lim, fan va ishlab chiqarishning innovasion korporativ hamkorligi” sohasida olib borilayotgan ishlar monitoringini olib borish.