Talabalarni turar joy bilan ta’minlash ishlarini muvofiqlashtirish bo‘limi

1.Institut talabalarini O‘zbekiston Respublikasi Prezidenti Qarorlari, Farmonlari va O‘zbekiston Respublikasi Vazirlar Mahkamasining 2021 yil 24 sentabrdagi “Ijara huquqi asosida yashayotgan talabalar tomonidan to‘lanadigan ijara to‘lovlarini qoplab berish tizimini joriy etish chora-tadbirlari to‘g‘risida” gi  605-sonli qarori hamda sohaga doir meyoriy-huquqiy hujjatlar bilan  tanishtirish.

2. Talabalar turar joyida, ijara va xususiy xonadonlarda yashovchi talabalarni yashash manzillariga muntazam borib, u yerda yaratilgan sharoitlar va talabalarning turar joy bilan bog‘liq muammolarini o‘rganish, ularning sharoitlarini  yaxshilash choralarini ko‘rish.

3. Institut talabalar turar joyidagi o‘rinlar sonini fakultet talabalari kontengenti kesimida taqsimlash va fakultetlardan kelgan arizalarni o‘rnatilgan nizomga muvofiq ko‘rib chiqish bo‘yicha ishchi guruhiga takliflar kiritish.

4. Institut talabalar turar joyiga talabalarni joylashtirishda halollik, adolat va oshkorolikni ta’minlash.

5. Institut  talabalar turar joyi tozaligi, sanitariya- gigienik holati, talabalarning yashash sharoitlarini muntazam o‘rganib borish,  mavjud kamchiliklarni bartaraf etish uchun rahbariyatga takliflar kiritish.

6. Institut talabalar turar  joyida istiqomat qiluvchi talabalarning sharoitlarini o‘rganish, ular bilan individual suhbatlar olib borish.

7. Institut talabalar turar joyida ma’naviy-ma’rifiy ishlarni tashkil etish va samaradorligini oshirish choralarini ko‘rish. Talabalarning bo‘sh vaqtlarini mazmunli o‘tkazishga yo‘naltirilgan ijodiy, kasbiy, badiiy to‘garak-klublar faoliyatini yanada kuchaytirish ishlarida ishtirok etish.

8. Ijarada yashovchi talabalarning ijara ma’lumotini umumlashtirish, tyutorlar bilan hamkorlikda ijarada yashovchi talabalarning yashash sharoitlari bilan muntazam tanishish va mavjud kamchiliklarni bartaraf etish bo‘yicha takliflar ishlab chiqish.

9. Xususiy xonadonda va ijarada yashovchi talabalarning yashash sharoitlarini o‘rganish orqali ijara xonadonlarini darajalarga ajratish (yashil, sariq, qizil) 

10. Barcha talabalarni, xususiy xonadonda va ijarada yashovchi talabalarni

-Is gazidan zaharlanish holatlarini oldini olish to‘g‘risida

-Botulizm – ovqatdan zaharlanish holatini oldini olish to'g‘risida

-Ochiq elektr  toki xavfidan

-Ijarada yashaydigan xonadoningizda sog‘lom turmush tarziga

qat`iy amal qilish

-Yo’l harakati qoidalariga rioya qilish to'g‘risida

-Tungi vaqtlarda ya’ni soat 22:00 dan keyin ko‘chada yurmaslik  to‘g‘risida tushuntirish ishlarini olib borish.

11. Ijarada yashovchi talabalarning oylik ijara to‘lovining bir qismini qoplab berish uchun ariza bilan murojaat qilgan talabalarning ro‘yxatini shakllantirish va talabgorlar ro‘yxatini tanlab olish komissiyasi a’zolariga taqdim etish.

12. Xususiy xonadonda va ijarada yashovchi talabalarning yashash sharoitlarini nazorat qilish maqsadida mahalla oqsoqoli, profilaktika inspektori, dekan, dekan o‘rinbosarlari, talaba o‘rtasida o‘zaro aloqani yo‘lga qo‘yish va bu boradagi ishlarni tashkil etishda mahalla fuqarolar yig‘inlari, uchastka-profilaktika nozirlari bilan hamkorlikni kuchaytirish.

13. Mutasaddi tashkilotlar bilan hamkorlikda talabalar turar joylarida va ijarada yashovchi talabalar bilan turli ma’naviy-ma’rifiy tadbirlar, davra suhbatlarini doimiy o‘tkazish.

14. Institutda  yaratilgan imkoniyatlar, amalga oshiriladigan ishlar to‘g‘risidagi xabarlarni institut  veb-sayti, OAV va ijtimoiy tarmoqlarda keng yoritish.

15. Institutning  veb-sayti, ijtimoiy tarmoqlarida talabalarni turar joy bilan  ta’minlash ishlari bo‘yicha materiallar e’lon qilib borish.