Samarqand iqtisodiyot va servis instituti vakillari Qozog‘istondagi Yevrosiyo milliy universitetining standartlashtirish, sertifikatlashtirish va metrologiya kafedrasida uchrashuvda  bo‘ldi.

Tashrif davomida delegatsiyamiz mazkur kafedra professor-o‘qituvchilari dars jarayonlarida ishtirok etib, ularning o‘qitish uslublari, amaliy mashg‘ulotlarni tashkil etish tajribasi va ta’lim dasturlarini qo‘llash mexanizmlari bilan yaqindan tanishdi.

Shuningdek, institutimiz o‘qituvchilari ushbu universitet talabalari uchun ma’ruza mashg‘ulotlari o‘tkazib, sifat menejmenti, servis yo‘nalishida kadrlar tayyorlashga oid tajriba, amaliy misollar va innovatsion yondashuvlarni ulashdi. Dastur doirasida delegatsiya “Otyrar” ilmiy kutubxonasi faoliyati bilan tanishib, elektron axborot bazalari, ilmiy resurslar va tadqiqot imkoniyatlarini ko‘zdan kechirdi.

Uchrashuv davomida tomonlar mavjud hamkorlik yo‘nalishlarini muhokama qilib, kelgusida qo‘shma ilmiy maqolalar, loyihalar, ma’ruza almashinuvi va akademik mobillik dasturlarini yanada kengaytirish bo‘yicha kelishib oldilar.