Samarqand iqtisodiyot va servis instituti rahbariyati va talabalari Qatag‘on qurbonlari xotirasi muzeyiga ma’rifiy ekskursiya uyushtirdilar. Tashrifda institut rektori Po‘latov Muhiddin Egamberdiyevich boshchiligidagi mas’ul xodimlar hamda talaba-yoshlar ishtirok etdi.

Ekskursiya davomida muzeyning tashkil etilish jarayoni, undagi ekspozitsiyalarning mazmun-mohiyati hamda xalqimiz boshidan kechirgan murakkab tarixiy davrlar haqida batafsil ma’lumotlar berildi.

Ushbu tashrif talabalarda tarixiy xotiraga hurmat, milliy qadriyatlarni asrab-avaylash va ulardan to‘g‘ri xulosa chiqarish zarurligini yana bir bor yodga soldi. Ma’rifiy ekskursiya yoshlarning Vatanga munosabatini yanada mustahkamlashda muhim ahamiyat kasb etadi.