Nazariy bilimlarni amaliyot bilan uyg‘unlashtirish maqsadida turizm kafedrasi dotsenti R.Amriddinova tomonidan magistratura bosqichi talabalari uchun Samarqand shahridagi “Art Station” galereyasiga ekskursiya tashkil etildi.

Mazkur galereya Markaziy Osiyo san’at va madaniyat dasturi hamda Shveysariya taraqqiyot va hamkorlik agentligi (SDC) ko‘magida “Art Station: so‘z erkinligi, badiiy ijod, inklyuziv muloqot va jamiyat taraqqiyoti chorrahalari” loyihasi doirasida tashkil etilgan.

“Art Station” – bu oddiy galereyadan ancha keng qamrovli maydon bo‘lib, u mazmunli muloqot maskani sifatida san’atni inson, tabiat va kelajak o‘rtasidagi ko‘prik sifatida namoyon etadi.