Oliy ta’lim, fan va innovatsiyalar vazirligi hamda Yoshlar ishlari agentligi hamkorligida tashkil etilayotgan “Karyera Oromgohi 2025” sizga bu yo‘lda amaliy yordam beradi.

Joriy yilning 24–31-avgust kunlari Bo‘stonliq tumanida bo‘lib o‘tadigan ushbu 7 kunlik bepul o‘quv oromgohi 2- va 3-bosqich talabalari uchun mo‘ljallangan.

Oromgoh davomida siz quyidagi yo‘nalishlarda bilim va ko‘nikmalarga ega bo‘lasiz:

   Rezyume tayyorlash va suhbatdan muvaffaqiyatli o‘tish bo‘yicha amaliy mashg‘ulotlar

   Raqamli savodxonlik va shaxsiy brend yaratish bo‘yicha treninglar

   Jamoaviy ishlash, samarali muloqot qilish va liderlik ko‘nikmalari

   Yurtimizdagi yetakchi kompaniyalar vakillari bilan jonli uchrashuvlar

Ishtirokchilar soni cheklangan — tanlov asosida 200 nafar eng faol talaba tanlab olinadi.

Agar siz ham kelajagingizni hozirdan boshlab qurmoqchi bo‘lsangiz, bu imkoniyatni qo‘ldan boy bermang.