Vatan himoyachilari kuni arafasida Prezident farmoni bilan Markaziy harbiy okrug qoʼshinlari qoʼmondoni Аybek Saidov “General-mayor” harbiy unvoni va «Аmir Temur jangovar bayrogʼi» mukofoti bilan taqdirlandi va qoʼmondonga «Аmir Temur jangovar bayrogʼi» topshirilgan edi.

Bugun Samarqand shahridagi Koʼksaroy maydonida harbiylar, deputatlar, yoshlar, sportchilar va jamoatchilik vakillari ishtirokida Sohibqiron bayrogʼi tantanali kutib olindi.

Tadbirda viloyat hokimi E.Turdimov ishtirok etib, Markaziy harbiy okrug qoʼshinlari qoʼmondonligi va barcha samarqandliklarni "Аmir Temur jangovar bayrogʼi" qoʼlga kiritilganligi bilan tabrikladi va bu barcha uchun gʼurur, iftixor ekanligini taʼkidladi.

Ushbu tadbirda Samarqand iqtisodiyot va servis instituti  yoshlar yetakchisi, fakultet dekanlari, dekan o`rinbosarlari, guruh tyutorlari va talabalar  faol ishtirok  etishdi.