Investitsiya va innovatsiyalar kafedrasi professor-oʻqituvchilari Narpay tumanining olis hududlarida targʻibot tadbirlari olib borishmoqda

O‘zbekiston Respublikasi bosh vazirining 2025-yil 30-maydagi 27/1-378-son topshirig‘i va Samarqand iqtisodiyot va servis instituti rektorining 126-F-sonli buyrug‘i ijrosini ta’minlash maqsadida Narpay tumanining Xo‘jaqo‘rg‘on qishlog‘ida joylashgan 9-umumiy o‘rta ta’lim maktabida Samarqand iqtisodiyot va servis instituti investitsiya va innovatsiyalar kafedrasi professor-o‘qituvchilari A.Bektemirov, A.Turayev, D.Nasirov, E.Nozimovlar tomonidan joriy yilning 25-iyun kuni bitiruvchi sinf o‘quvchilari va ularning ota-onalari bilan uchrashib, ochiq suhbat olib borishdi. Uchrashuv davomida tumanning olis hududlaridagi yoshlarni oliy ta’limga qiziqtirish, ularni respublika oliy ta’lim muassasalariga jalb qilish borasida targ'ibot ishlari olib borildi.                                                                                                                                          Shu bilan birgalikda kafedra professor-o‘qituvchilari tomonidan yuqoridagi targ‘ibot-tashviqot ishlarini hamkorlikda amalga oshirish maqsadida Narpay tuman hokimi Buranov Sherbek Erkinovich hamda Maktab va maktabgacha ta’lim bo‘limi boshlig‘i Daminova Zuhra Raxmatullayevna va bitiruvchi o‘quvchilarning ota-onalari bilan birgalikda a’lo baho bilan tugatgan o‘quvchilarni (oltin va kumush medal sohiblarini) taqdirlash tadbirida ishtirok etildi. Mazkur tadbirda kafedra mudiri A.Bektemirov so‘zga chiqib, bitiruvchi o‘quvchilarni chin dildan tabrikladi va kelgusi ishlariga omad hamda zafarlar tiladi.

Bitiruvchi o‘quvchilarga Samarqand iqtisodiyot va servis instituti faoliyati haqida to‘liq ma’lumotlar berib o‘tildi.