Iqtisodiyot fakulteti tyutorlari tashabbusi bilan adabiy-ma’rifiy tadbir o‘tkazildi

Samarqand iqtisodiyot va servis instituti iqtisodiyot fakulteti tyutorlari tashabbusi bilan buyuk alloma Komil Xorazmiy ijodiy merosiga bag‘ishlangan adabiy-ma’rifiy tadbir tashkil etildi. Tadbir davomida atoqli o‘zbek shoiri, xattot, musiqashunos, tarixchi, tarjimon va davlat arbobi Komil Xorazmiyning boy hayoti hamda ijodi haqida keng ma’lumotlar berildi.

Ishtirokchilar allomaning madaniyat, san’at, ilm-fan rivojiga qo‘shgan beqiyos hissasini chuqur anglab yetishdi. Tadbir davomida uning she’rlari o‘qildi, ilmiy merosiga oid taqdimotlar namoyish etildi hamda talabalarning ijodiy chiqishlari barchaga manzur bo‘ldi.