Samarqand iqtisodiyot va servis instituti xotin-qizlar kengashi tashabbusi bilan "Olima ayol — jamiyat ko‘zgusi" mavzusida institut olima ayollari va talaba-qizlar ishtirokida uchrashuv bo‘lib o‘tdi.

Uchrashuv davomida institutda faoliyat yuritayotgan olima ayollar o‘z hayotiy tajribalari, ilm-fan sohasida erishgan yutuqlari, ushbu marralargacha yetib kelish yo‘lida duch kelgan qiyinchiliklari hamda ularni qanday yengib o‘tganliklari haqida samimiy suhbatlashdilar.

Shuningdek, olimalar talaba-qizlarga ilm olish, o‘z ustida doimiy ishlash, maqsad sari intilish va o‘ziga bo‘lgan ishonchni oshirish borasida o‘z maslahatlarini berdilar.

Mazkur uchrashuv talaba-qizlar uchun nafaqat motivatsiya, balki kelajak rejalari sari dadil qadam tashlashga undovchi uchrashuv bo‘ldi.