Joriy yilning 10-oktabr kuni Oliy ta’lim, fan va innovatsiyalar vazirligi tashabbusi bilan "INNOWEEK.UZ-2023" haftaligi doirasida Samarqand iqtisodiyot va servis institutida seminar-trening bo'lib o'tdi.

Taklif etilgan xorijiy ekspertlar, Clarivate kompaniyasi xodimi Irina Tixonkova - "Web of Science ma'lumotlar bazasidan foydalanish" mavzusida hamda Fransiya milliy tadqiqot markazi direktori Yegor Vassetskiy - "Xalqaro jurnallar bilan ishlash" mavzusida taqdimot qildilar. Seminar-trening davomida ishtirokchilar xalqaro ilmiy bazalardan foydalanish, ilmiy maqola yozishda foydalaniladigan adabiyotlarning bibliografik roʻyxatini toʻgʻri tuzish yoʻllari, iqtibos keltirish, maqolalarni tahlil qilish kabi ma’lumotlarga ega bo‘lishdi.

Seminar-trening so’ngida ishtirokchilar o‘zlarini qiziqtirgan savollariga javoblar oldilar.