Samarqand iqtisodiyot va servis instituti talabalar turar joyida Xalqaro yodgorliklarni va tarixiy joylarni asrash kuniga bag‘ishlangan tadbir o‘tkazildi

Samarqand iqtisodiyot va servis instituti talabalar turar joyida kechki ta’lim fakulteti tyutorlari tashabbusi bilan “Xalqaro yodgorliklarni va tarixiy joylarni asrash kuni” munosabati bilan ma’rifiy tadbir tashkil etildi.

Tadbir davomida talabalar va ishtirokchilarga madaniy yodgorliklar, tarixiy joylar va ularni asrashning dolzarbligi haqida batafsil ma’lumotlar berildi. Shuningdek, ushbu sana 1983-yilda YUNESKO Assambleyasi tomonidan jahon madaniy merosini muhofaza qilish, uni asrab-avaylash va keng jamoatchilik e’tiborini bu boradagi muhim vazifalarga qaratish maqsadida ta’sis etilgani ta’kidlandi.

Madaniy yodgorliklarni muhofaza qilish har qanday davlatning ustuvor yo‘nalishlaridan biri hisoblanadi. Tarixiy obidalarni asrab-avaylash nafaqat o‘tmish bilan bog‘lanish imkonini beradi, balki noyob turizm maskanlarini yaratish orqali mamlakat iqtisodiyotiga ijobiy ta’sir ko‘rsatadi hamda minglab sayyohlarni jalb etishga xizmat qiladi.